英冠賽程頻密到得人驚，般尼今晚喺主場對米杜士堡，有機會趁對方陣容殘缺，開W保住出席升班附加賽嘅希望，特別係般尼首席射手積洛迪古斯（右圖下）已經好番，今場佢隨時發威入波，1.72倍主W捧得過。（開賽時間：周三凌晨2:45）
般尼剛以2:1贏史雲斯，除咗係中場阿歷山大個人第1,000場上陣，仲有今季攻入12個聯賽入球嘅射手積洛迪古斯復出，雖然當時佢兩個冇波入，但對住殘陣嘅米堡又唔係咁講，而且般尼終止6場不勝走勢後，領隊艾迪荷維話明未放棄爭取出席升班附加賽，呢場肯定希望添食袋多3分。
另方面，米堡除咗有箭頭安尼斯繼續停賽，前鋒列達、魯克威廉斯、祖拿芬法蘭克斯、中場施馬馬、後衞沙比軒斯同門將積臣史特利全部因傷唔踢得，列達仲要係陣中首席射手，今季攻入10個聯賽入球，米堡冇咗佢邊似惡得出樣吖！
