臨近季尾,最緊要睇分做人,認清楚各大聯賽爭標、護級,以及下屆歐洲賽入場券爭奪形勢,對投注有莫大參考價值。法甲剩下九輪賽事,包尾球隊阿勒斯已落後尾四球隊歐塞爾二十一分,護級機會非常渺茫,而且佢哋今季聯賽作客仲未開齋,只得三和十一負,今輪作客波爾多,恐怕凶多吉少。
同樣聯賽作客未贏過嘅球隊仲有意甲卡坦尼亞,十五戰只有四和十一負,今輪作客包尾嘅巴里,大家拭目以待,睇吓佢哋能否趁機打開作客勝利之門。另外,葡超雖然仲有五輪賽事,但波圖已經提早奪得冠軍,可能將重心放於歐霸盃,小心餘下聯賽放水。