近排Candy手風唔錯,所以決定今日為大家炮製《是日正菜》。雖然紅魔鬼今晚喺英超主場對富咸受傷停困擾,但勝在後備兵源充足,加上曼聯喺主場一向恰慣對手,要小勝煲魚生粥唔難,3.45倍「讓球和」博得過。(有線201及301、廣東體育周六晚10:00直播)
曼聯狀態大勇,周中歐聯8強首回合作客勇挫車路士。即使喺英超,「紅魔鬼」上周作客一度落後2球,最後亦憑無比鬥心反勝韋斯咸4:2,並藉其他爭標對手一齊失分,將榜首優勢拉開至7分。
費Sir朗尼伊雲斯停賽
今周曼聯主場對富咸,以紅魔今季主場不敗嘅走勢嚟睇,要贏波唔難,但要大勝就唔易,事關除咗領隊費格遜同中堅莊尼伊雲斯停賽,前鋒朗尼因為喺鏡頭面前公然爆粗,上訴失敗今場起坐2場波監,右閘拉菲爾達施華亦因傷缺陣,好在中場路爾斯安達臣、後防奧沙同布朗都已傷愈可以復出,加上曼聯一向踢Form,冇話冇咗邊個唔得,唔貪心要小勝仍然好樂觀。
富咸彭素爾嗌離隊
對家富咸上場主場大勝黑池3:0,睇落好似好醒,但相信今晚再難有運行,一來富咸作客一向唔掂,今季只得1勝,勝率僅7%係全英超最曳,二來後防大將彭素爾賽前突然話唔滿意缺乏上陣機會,季尾肯定離隊,都幾影響軍心,加上富咸喺英超史上作客曼聯只曾贏過1次,其餘8場全敗,今晚去到奧脫福輸1粒已經有交代啦!
曼聯主勝率93%
‧英超主場王,獲14勝1和,勝率達93%。
‧上年4月3日後聯賽主場上半場零失球。
富咸對賽輸到喊
‧英超作客蟲,獲1勝8和6負,勝率僅7%。
‧英超史上9次作客曼聯獲1勝8負。
是日推介
曼聯(讓球和) 3.45倍
韋根(讓球客勝) 4.4倍
華素爾(讓球客勝) 1.52倍