小弟一向最鍾意玩西甲，愈蠱惑愈衰嘅球隊就最啱小弟胃口，上星期小弟扑中咗西維爾嘅入球大，今周呢支「銀行隊」作客馬略卡，小弟建議各位捧馬略卡1.48倍「讓球主勝」。
西維爾同馬體會係西甲衰波嘅中流砥柱，10次聚飛9次輸盤，自從路爾斯法比安奴走咗返巴西，全世界都以為西維爾會有排衰，點知佢哋近3戰2勝1和，和波嗰場嘅對手仲要係巴塞，今晚佢哋又出現喺獨腳戲時段，肯定聚飛到喊，而且前鋒簡路迪要抖2至3周，翼鋒捷西斯拿華斯又因傷冇練波，殘陣作客好易出事。對家馬略卡喺首循環作客贏過西維爾2:1，證明兩軍唔係冇得打，今鋪回師主場，搶到分唔奇。
馬略卡
（讓球主勝）
