为争长工，梗系要博表现啦！讲紧嘅系芬兰领队卡拉云，事关佢目前只系看守身份，今晚作客葡萄牙绝对系考牌战，再加上佢今次征召嘅好多都系新人，亦要为前途努力，“让球客胜”有3.2倍绝对值博！（有线155周三凌晨3:45直播）
Ｃ朗唔踢葡萄牙返皇马复操
芬兰早排喺欧国杯战绩极曳，上年11月改由U21领队卡拉云为看守领队，不过呢位前芬兰国脚睇嚟唔似只系想做替工，首场赛事就带领芬兰作客逼和近年冒起嘅比利时。今次对葡萄牙，卡拉云仲进行大改革，踢走希比亚同列马伦等老将，召入多位新人入伍，卡拉云同班新人为咗嚟紧国家队前途，今晚作客葡萄牙绝对唔衰得。
葡萄牙早前换上保罗宾图执教，表现即时反弹，不过日前对智利冇咗C朗，前线冇晒火仅和1:1，不过保罗宾图赛后竟然话冇所谓，只会集中应付欧国杯外围赛，难怪之前“称伤”嘅C朗，已经大模厮样喺皇马基地复操啦！加上拿尼嚟紧有大把赛事，今晚随时打半场，葡萄牙仲点捧得落？
