近排天气虽然仲凉凉哋,但查实由今日起,欧洲就会转行夏令时间,睇波就唔使捱咁夜,好可惜撞正国际赛期,今日一场波都冇得睇,未能够即时受惠。
虽然适逢国际赛期,就出奇地今晚都仲有两场葡萄牙波,除咗奥汉伦斯对布拉加嘅葡超补赛之外,仲有场科英布拉大学主场对甘马雷斯嘅葡杯4强次回合上演,足智彩亦有提供“晋级队伍”项目,首回合作客落后1球嘅科大晋级赔率有4倍,好分得嚟亦有可博之道。
甘马雷斯作客对赛3连败
甘马雷斯虽然排名较前,弊在近况唔见突出,近7战先至赢得1仗,近5次作客更输4仗,最紧要系早前喺葡超再遇科大,主场都要输0:2,作客对赛亦录得3连败,就算首回合有1球在手亦唔见得稳阵。今场博2.32倍主W当然系最大路,但如果仲想贪心啲,“-1”有4.55倍系就系更好分,只不过话晒一定要喺法定时间内赢够两球,又似乎太进取,倒不如要难度较低,但分头都唔曳嘅4倍晋级仲好,始终加时先至赢够两球,又或者射赢12码都计数。(开赛时间:周一凌晨1:00)
足球重心
科英布拉大学(晋级)
葡杯赛制
4强采2回合主客制,今为次回合赛事。2回合计打和将计作客入球优惠,未分胜负则于次回合法定时间后加时30分钟,加时仍计作客入球优惠,再和则互射12码决胜。