今个国际赛期除咗欧国杯外围赛之外,非洲国家杯外围赛其实都进行得如火如荼,只系过往冇开盘先冇人注意,今次足智彩就破天荒受注两场非洲区嘅重头戏,塞内加尔对喀麦隆,以及南非硬撼埃及都系熟口熟面嘅戏码。
非国外云集大牌球星
过往非国杯决赛周,唔少巨星都借故延迟归队,实行拖得就拖,不过外围赛就因为冇同联赛撞期,反而有一定号召力,巨星几乎全部归队,喀麦隆射手伊度奥、南非中场派拿当然都在阵,投注前毋须太考虑人脚问题。
讲到非国杯,就唔可以唔提埃及,佢哋重用国内联赛球员,即使个人技术唔算最top,但凭住纯熟嘅默契连续3届夺冠,可惜佢哋早前因爆发反政府示威,国内联赛自1月尾起一直暂停,球员唔单止冇态,亦影响国家队集训同部署,今晚作客同样以本土联赛球员做骨干嘅南非,平手盘都要唔过。(开赛时间:周日凌晨2:05)
足球重心
南非(平手)