一隊係新升班，一隊就係衞冕冠軍，史雲斯對曼聯呢場英超睇落強弱懸殊，但查實暗藏殺機！歷來16次「史曼戰」當中，作客嗰隊都難逃失分厄運，「紅魔鬼」要後顧歐聯，今晚造訪主場硬淨嘅史雲斯唔係Sure Win，捧2.6倍「讓主」。（有線200及300、廣東體育周日凌晨1:30直播）
作為英超史上首支威爾斯球隊，新升班嘅史雲斯家陣能夠位處聯賽榜中游，對威爾斯足球嚟講絕對係一種肯定。佢哋今季英超主場錄3勝2和未輸過，上仗造訪利物浦都搶到分，無疑打下強心針。
曼聯作客唔夠霸氣
睇番歷史，史雲斯同曼聯歷來16次交手，作客嗰隊都未贏過，齋計牌面「紅魔鬼」梗係贏史雲斯幾條街啦，不過呢支英超班霸近期對住中下游嘅愛華頓同新特蘭都只係小勝1粒，表現真係冇乜說服力，況且周三凌晨仲要喺歐聯同賓菲加合演小組榜首大戰，失分畀當頭起嘅史雲斯一啲都唔奇。
「史曼戰」客隊例失分
