德甲包尾弗賴堡，今晚主場對利華古遜絕對有力搶分！事關弗賴堡近期簽入前國腳後衞軒基，防守已有改善，加上主場仲有一定威力，對住嚟緊有歐聯後顧嘅利華，梗係捧1.82倍「讓主」啦！（有線61及201周六凌晨2:30直播）
利華古遜分心歐聯
上季表現神勇嘅弗賴堡，今季表現大跌，上場作客輸畀凱沙羅頓後，已跌落榜尾。但其實呢支德國南部球隊，近期表現已有改善，特別係後防，喺今個月初免費簽入前德國國腳右閘軒基後，對上2仗只失3球，加上弗賴堡目前2場勝仗都嚟自主場，今晚再喺地頭出擊，絕對係搶救命3分嘅好時機。
上季亞軍利華古遜，今季因要兼顧歐聯，表現極之唔穩定，好似上場主場出擊都輸畀史浩克04。況且下周中利華古遜會喺歐聯E組作客華倫西亞，呢場波對利華出唔出到線非常關鍵，朱楓預期佢哋今場或會刻意收起部分主力，戰意亦唔慌好得去邊，真係隨時輸埋都唔奇！更多赛事信息
