德國盃今晚激戰連場，其中多蒙特就會喺主場恭候特雷斯登。德乙仔特雷斯登冇嘢好輸，今仗自然想繼首圈之後再做「巨人殺手」，作客都唔慌會踢得保守，隨時同多蒙特開「大」片都似，就算入球大細開到3.5球中位數，1.8倍大都捧得過。（無綫翡翠台周三凌晨2:30直播）
多蒙特強陣爭盃
目前喺德乙排第10嘅特雷斯登，上圈德盃一度落後畀利華古遜3球，但最終就反勝對手4:3晉級，韌力同鬥志同樣驚人。今晚又一次越級挑戰，教練路斯賽前話拚輸嚟踢，講明死守肯定冇運行，賽前已經落咗柯打要向多蒙特大舉進攻，鬥志鮮明。
上一圈德盃梅開二度嘅羅拔高治，剛啱喺聯賽對住布倫瑞克又省兩粒，腳風順到不得了。主隊「蜜蜂兵團」都喺上周末大炒科隆5蛋，佢哋喺首圈對住辛特侯遜呢啲低組別茄喱啡都強陣出擊，睇怕今晚都唔例外，多蒙特攻得，特雷斯登又唔怕輸，入球大相信走唔甩。
德盃、荷盃、法聯盃及蘇聯盃賽制：
德盃為第2圈、荷盃為第3圈、法聯盃為第4圈、蘇聯盃為8強賽事，4項賽事同樣以一場過分勝負，若法定時間內打成平手，則需加時作賽，再和則互射12碼決勝。更多赛事信息
