F組另一場由希臘嘅奧林比亞高斯主場撼「蜜蜂兵團」多蒙特，兩隊踢咗兩場仍未開齋，雙方都求勝心切，應會採取主攻搶三分。而且奧軍以往對德國兵都踢得特別醒神，經常上演入球騷，進一步增加今場開大機會，入球大有2.02倍抵玩。（周四凌晨2時45分開賽）
歐債危機主角之一嘅希臘遲遲未得救，其中一個原因係德國拒絕放水，令希臘國內開始產生反德情緒，甚至攞番陳年舊事出嚟講，要求德國就二次大戰入侵希臘作出賠償，隨時將憤恨投射落多蒙特身上。奧林比亞高斯今場不但為分數而戰，更涉及國仇家恨因素，戰意肯定高昂，而且奧軍喺02/03年度球季歐聯分組賽主場曾經大炒利華古遜六比二，千祈唔好睇小佢哋。
多蒙特回勇勢取入球
「蜜蜂兵團」多蒙特近況開始有改善，踏入十月兩連勝，上仗聯賽有半場時間踢少一人都輕取雲達不來梅，證明球員狀態當弗。事實上，多蒙特之前兩場分組賽表現並唔差，射門次數都多過對手，表現進取，今場入波機會甚高。更多赛事信息
