同組另一場意甲拿玻里主場對德甲拜仁慕尼黑。兩軍曾於89年歐洲足協盃碰頭,當年冠軍拿玻里喺四強淘汰拜仁躋身決賽,今次兩軍再遇,拿玻里一樣唔可以睇小,尤其聖保羅球場聲勢浩大,拿玻里可憑地利之助抵住拜仁來犯,「讓球主勝」秤先。(有線63及203台周三凌晨2時45分直播)
拜仁和波收貨
坐落那不勒斯嘅聖保羅球場可謂意大利最具聲勢球場,唔差得過米蘭聖西路球場及羅馬奧林匹高球場。尤其踢歐洲賽,拿玻里球迷就更加激情,老闆迪羅倫迪斯曾經講過,主場球迷支持係拿玻里最大爭勝動力,仲公開呼籲球迷入場替拿玻里打氣。查實有強烈數據證明迪羅倫迪斯並非亂噏引人入場,原來拿玻里自○八年重返歐洲賽後,九場歐洲賽主場未輸過,單計近六次更未有失球添!
拜仁不失球強勢雖然厲害,但作客拿玻里「地獄主場」,拜仁確難言穩勝,況且佢哋已有六分揸手,今場和波亦冇壞,一於捧拿玻里「讓球主勝」。更多赛事信息