各地联赛终于重开,加上听日马季开锣,呢个周末开心到震!德甲今晚早场就有多蒙特主场对哈化柏林,“蜜蜂兵团”下周中欧联会硬撼阿仙奴,点都有啲顾虑,不过我对佢哋赢波依然有信心,但就怀疑可唔可以力保不失,主胜得1.33倍热到烫手,好难面懵懵推介,小妹都系弃主W取1.68倍入球大!
哈化反攻有一手
八月睇过多蒙特几场波,论表现就少咗上季如狼似虎嘅攻势,防线亦比以往多咗空位,成日要靠门将维丹费拿努力顶住。之前对贺芬咸早早失波都追唔番、对利华古逊又踢咗大半场逆境波,最近当旺嘅马里奥葛斯今场更要停赛,再咁搞落去,要冧庄捧多次沙律碟都真系有危机!好彩“蜜蜂兵团”胜在人脚够、都算齐整,只系施云宾达有微伤在身,今仗就算保唔住清白之身,都有望争取入球。
哈化柏林重返德甲,头几场表现都唔错。呢间由巴布领军嘅老牌球会士气唔曳,弊在作客防守唔稳阵,好难守得住多蒙特,佢哋唯一可取系踢下风波时都有一定反击能力,作客汉堡嗰场咪系个好例子!只要畀哈化偷鸡先入一球,呢个入球大就更容易开出喇!