衞冕葡超冠軍嘅波圖今晚會喺主場出擊,迎戰新升班球隊基維辛迪。波圖近6次主場對賽全勝,呢道「私房菜」實食冇黐牙,熱捧1.42倍「讓球主勝」。(開賽時間:周六凌晨3:15)
近6次主場對賽全勝
季前贏得葡超盃嘅波圖,開咧戰作客甘馬雷斯順利W出。即使今夏有教練保亞斯離隊轉投車路士,改由域陀彭利拿掌帥,但睇番佢哋今季9場賽事,包括季前熱身賽合共錄得7勝1和1負,證明保亞斯他投影響唔大,更重要係球隊為凸顯衞冕決心,日前更由標準列治簽入中場迪科及後衞馬加拿,2人今仗雖暫列後備,但就大大增強板櫈深度。
法卡奧喺上季歐霸盃決賽一箭定江山助波圖捧盃,會方日前就買咗當日嘅龍門框返波圖博物館展覽,何況今季首次喺主場作賽,定必大勝賀一賀佢!睇埋對賽,波圖連續6次都能夠喺主場擊敗基維辛迪,更取得14球進帳,今仗要大炒呢支升班新丁絕冇難度。