開咧唔夠一個月，英甲周中已經要開快車，其中兩出兩捷嘅查爾頓將作客高車士打。經過多季沉寂之後，查爾頓今季似乎有回勇迹象，喺聯賽連贏般尼茅夫及諾士郡。睇落查爾頓唔滿足於中游位置，今季一定會以升班資格為終極目標。高車士打近況平平，兩鬥韋甘比都未能勝出，狀態普通讓平半唔值博，反撐查爾頓下盤好過！（周三凌晨2時45分開賽）
查爾頓喺夏天轉會市場都執咗唔少新球員，包括前牙買加國腳烏爾以及阿仙奴青訓產品艾維拿。米基阿朗素更從西班牙特內里費回歸英倫，對查爾頓整體實力必有所提升，聯賽兩連勝已證明一切。另外早前因倫敦暴動，部分倫敦球隊包括查爾頓都冇踢過聯賽盃，球員休息時間充足，落到場自然精神爽利，作客都唔使怕。
高車士打硬仗連連未回氣
相比之下高車士打就忙碌得多，今晚對查爾頓已經係佢哋近一個星期內第三場硬仗，球員可謂未踢先疲。而主力艾殊利雲遜膝傷缺陣，對高車士打更加雪上加霜，呢個上盤真係搵你要。
