赛前分析：史浩克最叻搏槌 盲拳打死老師傅

史浩克上季喺馬加夫手上成績麻麻，但一條由魯爾同亨特拉爾組成嘅星級鋒線始終交出相當水準，今季球隊由前主帥蘭歷克回巢接手，佢上任後立即進行革新，大膽起用新人，今季一於用新秀支援一雙星級箭頭，所謂拳怕少壯，預期佢哋踢落一定好有侵略性。

目前史浩克陣中，年僅17歲嘅天才少年達斯拿、新加盟嘅21歲防守中場馬高賀查、同外借回歸嘅19歲中場賀治比都係蘭歷克年輕化嘅受益者。史浩克向來都鍾意喺開賽初段搶攻並確保勝局，上季八度半場領先結果全數勝出，領先咗就唔會畀人追番，值得再跟。