史篤城取得今季歐霸盃參賽資格,領隊佩 尼斯透露過會收購四至五名球員增強實力,可惜暫時都係得個講字,現時就僅簽咗活基治一個新兵,但後者係著名嘅「玻璃腳」,又係防守球員,故攻力並未見加強。
史篤城冇新血難靠
缺乏新血衝擊下,史篤城在季前熱身賽踢得一塌糊塗,尤其係近兩場面對次級球會賓福特及艾迪索特,精銳盡出下都輸○比一,反映史篤城狀態欠佳之餘,破關能力亦相當疲乏,再唔增兵加強創造力嘅話,相信都難以在歐洲賽突圍。
事實上,史篤城一向都係守強攻弱嘅球隊,要主攻真係考起佢哋,而且懂得造波嘅球員少之又少,叫做較有創造力嘅賓納又有傷在身上陣成疑,增加今場贏波難度。客隊夏德已經開咧,勝在狀態較好,上場熱身賽能夠摸和「地上最強」巴塞隆拿,已證明球隊守得,今場作客一心求不敗,相信可完成此簡單任務,「讓球客勝」有2.7倍值博。