大难不死，必有后福！「幼狮兵团」英格兰U21首仗初段被西班牙撳住嚟砌，但最后反攻奏效成功逼和，斗志认真惊人，今晚喺U21欧国盃B组对住冇咗队长嘅乌克兰，相信可以喺分组赛开斋，1.68倍客W要捧！（开赛时间：周四凌晨2:45）
英格兰U21首场对住西班牙U21陷於苦战，开波14分鐘已落后，不过喺下半场却愈踢愈好，最终喺完场前凭前锋韦碧克入波逼和1:1，出任右闸嘅基尔获加更多次爆赢对手，係全场表现最突出一员。赛后韦碧克大讚队波有耐性，中坚基斯史摩寧就讚大家有团队精神。
菲尔钟斯搞掂转会专心搏杀
事实上，「幼狮兵团」目前嘅士气真係冇得顶，近日班球员除练波外，仲成日打乒乓波做娱乐，再加上正选后防菲尔钟斯啱啱过档曼联，同中坚拍档基斯史摩寧做埋队友，可以专心比赛，对英格兰绝对係好事。
乌克兰U21首场对捷克U21，本来被认为五五波，点知打到中段已落后0:2，直至临完场前先破蛋，最后输1:2不得止，队长史堤巴兰高更喺比赛中伤出，赛后证实缘尽分组赛，冇咗呢位効力萨克达嘅大将，打击都咪话唔细，今场对住平均质素较高嘅英格兰，输少当赢啦！
