日本「海歸派」重返祖家，馬上參與慈善活動，長谷部誠聯同多名外流球星殺去災區宮城縣進行親善探訪，令當地小朋友笑逐顏開，靚仔右閘內田篤人表明希望於麒麟盃贏波，為災民帶來歡笑。
日軍大批外流球員入選國家隊，趁機支援地震及海嘯災民，長谷部誠、內田篤人、岡崎慎司及本田圭佑等球星拉大隊去災區宮城縣，更深入重災區岩沼市一間小學進行探訪活動，同在場近二百個小學生玩得非常開心。
日軍中場球星長谷部誠向傳媒表示：「親身去到災區深感災難有幾嚴重，我希望可以為呢班小朋友帶來歡樂。」靚仔右閘內田篤人則希望贏取麒麟盃為災民打氣：「我哋依家最緊要專心備戰，全力協助國家隊贏波。」
