唔使10分钟,40蚊就咁冇咗,头奖有望一注独得逾亿元嘅六合彩多宝令港人疯狂,虽然40大元同好多人几百、又或者几千蚊嘅大注相比,实属小巫见大巫,但连平时觉得买六合彩系掟钱落海嘅我都走去凑热闹,就可知今次彩金几咁吸引!
呢期“超级六合彩”最终由3注瓜分头奖,几百万人横财梦又再落空,讲到底,做人都系应该靠自己,下下贪求侥幸实在无谓!意甲今日煞科,喺联赛榜排第6、比祖云达斯多3分嘅罗马,今场只要唔输就可获得欧霸杯参赛资格,与其不切实际咁奢想祖记失分,倒不如自己畀心机,搞掂笃定降班冇晒战意嘅森多利亚,既然“雌狼”近5季主场谢幕都系仅赢1粒,相信唔使我讲,你哋都知拣乜啩?
罗马
(让球和)