球場上一秒足以改變賽果。前日馬刺喺NBA季後賽,憑住後衞尼爾臨完前1.7秒射入3分波,逼到灰熊要打加時,之後仲要贏埋追近局數2:3。其實所有嘢未到完結一刻,都唔可以咁快放棄,因為只要肯努力,奇迹往往喺呢個時候先出現。
但換個角度睇,未到最後一刻,都唔應該開心得咁早。好似昆士柏流浪周一賽和侯城後,一心以為可以提早升上英超而展開慶祝,點知另邊廂諾域治臨完場前贏波,搞到昆士柏拿拿臨要取消派對。昆士柏今晚作客屈福特,攞多1分都夠升班,贏波更可提早稱霸英冠,今仗遇正對手依家冇嘢好爭戰意成疑,一於捧佢哋贏波奪冠!
昆士柏流浪
(客勝)