做人要争气，华伦西亚今晚喺西甲主场对皇家马德里，就有苏尔达杜同桑马达需要踢争气波，佢两个系皇马青训产品，呢场倒戈出战，肯定希望入波整场复活节“大”餐畀球迷叹，撞啱皇马有C朗要入波破个人入球纪录，1.75倍入球大抵玩。（now632及660台周日凌晨0:00直播）
苏尔达杜曾经被皇马借去奥沙辛拿，后来转会基达菲，上年至加盟华伦，至于桑马达就喺07年被掟走，成为华伦球员。不过咁，虽然佢哋留唔到喺巴拿贝球场，际遇都唔差，例如苏尔达杜近4场劲入7球，包括倒戈对基达菲四喜临门，今季攻入13个联赛入球成为华伦首席射手，皇马高层见到可能嗌走宝。
华伦孖宝倒戈骚哥利
桑马达更劲，佢现时系西班牙国家队常规成员，据闻巴塞想揾佢做沙维接班人，车路士亦打算撬过档，今季佢联赛入7球，系华伦进攻命脉，今场佢哋有机会显身价，睇怕会合作整番餐复活节“大”餐，何况华伦个下届欧联席位仲未稳阵，主场出击冇理由唔想抢分，有利开入球大。
C朗誓破入球纪录
另一方面，皇马日前喺西杯赢巴塞，射手宾施马、希古恩同艾迪巴约冇得打正选，嚟紧皇马喺欧联再同巴塞炼过，假如佢哋唔想坐冷板，应该会把握上阵机会骚哥利，加上C朗连续5场入波，今季累积42球，入多球就破到自己单季入球纪录，翼锋迪马利亚同后卫艾比路亚停赛应该唔影响开大。
是日推介
华伦西亚
（入球大）1.75倍
川崎前锋
（入球细）1.93倍
鸟栖砂岩
（下盘）1.77倍
