费兰度托利斯迟迟未能够取得加盟车仔后嘅第一个入球，唔少人都觉得呢位身价值5,000万镑嘅射手物非所值，查实佢仲未开到斋，系唔系佢一个人嘅问题呢？“王子”近年饱受伤患困扰，交唔出全盛时期水准已经系不争嘅事实，但查实车路士冇料到嘅又点只费托，其余射手杜奥巴、沙洛文卡劳同埋安历卡何尝唔系行行企企。
史笃城主场8战不败
事实上，车仔近期战绩虽有改善，其实进攻板斧相当贫乏，中场林柏特活力大减，一对翼卫艾殊利高尔同埋伊云洛域亦都跌Watt，近期嘅唯一杀着，就系靠死球攻势，由一对中坚泰利及大卫雷斯后上攻坚，面对身骄肉贵嘅曼城尚且奏效，但今晚作客英超最擅长打高空波、兼且主场8战不败嘅史笃城，随时又变得老鼠拉龟。
留力欧联砌红魔
除咗攻势单调，车仔亦要面对另外两大问题，首先系国际赛期之后，走样系在所难免，其次就系要留力下周中对曼联嘅欧联8强大战，虽则话数字上仲有机会争英超冠军，但相信有前4已经心满意足，现阶段嘅首要任务肯定系力争欧联冠军，今晚作客让史笃城，我要2.15倍“让球主胜”好过。（有线201及301、广东体育周六晚10:00直播）
足球重心
史笃城（让球主胜）
睇飞揾食
雷恩（主胜）
寻日对一对赔率，变动多数都只系合理嘅调整，唯独雷恩主场对欧塞尔嘅法甲赛事就有极大变动，主W由开盘时嘅1.7倍插到落1.58倍，过往都相当少见，值得跟一注。
