听朝美职联上演西岸大战，由上季“阿二”皇家盐湖城喺主场迎战“一哥”洛杉矶银河，状态十足嘅盐湖城自09年5月起曾未试过主场输波，有望继续食住对手，银河就算有碧咸相隔3年复任队长都难有运行，敲2.05倍主W。（开赛时间：周日早上9:00）
由于盐湖城季前要应付中冠杯，状态绝对比冇份踢嘅银河优胜，连埋上仗开咧战作客1球小胜圣荷西地震在内，于正式比赛已录得3连胜佳绩。再者，盐湖城主场威力强劲，自09年5月后喺各项正式比赛都唔识输，上季联赛主胜率更接近7成半。
碧咸复任银河队长
另边厢嘅银河，今季阵容变化不大，但碧咸同当路云2名主力已步入生涯晚年，前者于开锣战惨遭球迷狂嘘，后者仲被美国队征召踢太公波。赛前主帅艾连拿宣布今仗会将当路云个队长臂章交番畀碧咸，就算提升到士气，但喺射手基斯文同中场丹杰特等主力仍未康复，始终补唔番实力，以佢哋近5次作客盐湖城例失分去睇，今次残阵出战凶多吉少。
