欧国杯外围赛旧年10月踢完，歇咗半年有多，今晚重燃战火！C组上演榜首大战兼“意甲打吡”，由排第2嘅斯洛文尼亚主场迎战榜首意大利。唔少斯洛文尼亚国脚依家都喺意甲揾食，不过真正嘅好波之人唔多，拍埋去卡士同劲有朝气嘅意大利真系输蚀，小弟捧意大利客胜。（有线61及64、广东体育周六凌晨3:45直播）
意大利喺上年世杯惨淡收场，之后改由柏兰迪利领军，虽未致于全面回勇，但稳定性同发展方向都有纹有路。今次点兵，柏兰迪利更大胆飞起两大麻烦友迪罗斯同巴洛迪利，小弟觉得并唔系坏事，一来等佢哋两个反省吓，二来亦可以畀班球员知道纪律嘅重要，提升团结性。
星级3叉戟锋力劲
事实上，意大利阵中仲有唔少猛将，至少卡斯辛奴、基拿甸奴同柏仙尼组成嘅锋线畀到人信心；兰奴捷亚、基斯薛图等防线新星亦有大将之风，加上有一向稳健嘅保方把关，呢队全新意大利应该有前途。
斯洛文尼亚A货蓝衫军
斯洛文尼亚家阵以2胜1和1负得7分排第2，但砌低嗰两队只系爱沙尼亚同“鱼腩”法罗群岛，佢哋试过喺主场输畀北爱尔兰，证明呢班波嘅战斗力唔强。系，虽然话佢哋阵中有好多人踢紧意甲，但稍具名气嘅得“巴勒莫三宝”巴斯洛域、伊利锡同安祖高域，其余球员只系踢紧安玻里、乌甸尼斯、基尔禾甚至意乙嘅克罗托内，同意大利班正牌球星相比，自然高下立见，今仗想输少粒都难喇！
意大利作客不败
‧最近10场作客比赛录得3胜7和未输过。
‧近3场作客赛事全和。
斯洛半场够硬净
‧连续7场比赛未曾于半场落后。
‧近5次对赛皆开出入球细。
