在德國舉行的女子世界盃A組第二輪分組賽展開,頂頭大熱德國主場對尼日利亞,德軍首戰對加拿大佔盡優勢,實力擺明大超班,但因輕敵最終贏波輸盤,今次對住級數更低嘅尼日利亞應會認真作賽輕鬆大炒對手,中位數3.5球照捧大! (有線64台周五凌晨2時45分直播)
德國首仗面對加拿大,兩隊世界排名差距唔遠,但踢落水平明顯有距離,連續兩屆封后的德軍無論技術、速度同對抗性都在對手之上,上半場已輕鬆領先兩球。不過,德國換邊後明顯放軟手腳,結果喺尾段被加拿大追成一比二,賽後主帥妮特已警告球員唔好輕視任何對手,今次大軍對住尼日利亞肯定會認真作戰。
尼日利亞世界排名係A組最低,分組賽首戰對法國僅輸○比一,演出已較預期中理想。不過,大軍今場要挑戰德國,到時將面對嚴峻考驗,兩軍級數差距太大,尼日利亞隨時連半場都過唔到,相信捱唔到幾耐。翻查往績,尼日利亞上年年尾同德國拍跳大敗○比八,今場佢哋實在無力製造冷門賽果。
博埋4:0、5:0波膽
跟住睇埋盤口,德國今場成為一面倒熱門,主勝熱至1.01倍買唔買都罷,預計德國可輕鬆大勝,即使入球大細中位數改為3.5球,大盤有分頭一樣抵玩,另外4:0同5:0波膽都有得諗。