法甲嚟到煞科戰,竟然仲有7隊有可能降班,當中華倫西恩斯同尼斯直接交鋒,朱楓睇好主場硬淨嘅華倫西恩斯贏波上岸,1.78倍主W要捧!
尼斯作客輸慣
目前由第12位數落嘅歐塞爾、比斯特、尼斯、華倫西恩斯、卡昂、南錫同摩納哥都有機會陪朗斯同阿勒斯落乙組作賽,而華倫西恩斯暫時排第15,今場只要擊敗尼斯,就唔使理其他賽果成功護級。事實上,華倫西恩斯今季主場獲7勝9和2負,不敗率達89%勁硬淨,加上前鋒卡迪亞近6仗入4球,贏波有幾難?
對家尼斯今場和都夠分上岸,但弊在呢班波作客腳仔軟,今季18次客戰得2勝8和8負,僅僅好過包尾大幡阿勒斯,睇怕今場都係凶多吉少!