荷甲進入倒數階段，今晚有場獨腳戲由阿爾克馬爾主場迎戰NAC，雙方今季開「大」比率極高，加上齊踢風流波，預料冇壓力下會踢得更放，熱捧1.5倍入球大。（開賽時間：周六凌晨2:45）
暫列第4位嘅阿爾克馬爾上場贏完飛燕諾後，聯賽取得3連勝，但仍分別落後首兩位嘅川迪同燕豪芬11同9分，喺聯賽只剩5輪情況下，要爭標或搶奪下屆歐聯資格相當渺茫；但同時又拋離第8位嘅烏德勒支11分，歐霸入場券可以話袋袋平安，球員等放假下相信會踢得更放。
再者，阿爾克馬爾今季荷甲主場開「大」比率高達71%，每場均入到2粒之餘，亦坐底失1球，而近6次主場對住NAC，亦有5次演入球騷，咁好路數肯定追得過啦！
無欲無求放膽攻
至於排喺荷甲中游、今季作客86%開「大」嘅NAC比起主隊更加無欲無求，既冇機會爭奪歐洲賽資格，又冇護級壓力，預料會貫徹會方一向有前冇後嘅戰術同主隊鬥攻，要延續近11場比賽8度開大走勢應冇難度。
