今晚荷甲上演前列大戰,阿爾克馬爾會喺主場硬撼飛燕諾。兩隊近況對辦,而且雙方教練都會倒戈,可謂一場五五波,加上飛燕諾有兩大主力復出,阿爾克馬爾讓唔起1球,一於撐2.3倍「讓球客勝」!(now639台周日晚6:30直播)
阿爾克馬爾今季喺荷甲表現唔錯,暫時獲5勝1負,教練雲比克喺08年曾經教過飛燕諾,不過因為同球員發生衝突,結果教咗幾個月就被炒,所以今晚好希望可以砌低飛燕諾。
阿爾克馬爾中前場唔齊腳
但好衰唔衰阿爾克馬爾日前喺荷蘭盃打到加時先淘汰格羅寧根,賽後雲比克就暗示打多30分鐘嘥晒體力,預計今晚喺前鋒波文斯、艾迪杜里同中場法堅貝治缺陣下,想贏波唔易。
已經沉咗幾年嘅飛燕諾,今季喺朗奴高文執教下終於復甦,暫時喺荷甲獲4勝2和。同雲比克一樣,朗奴高文09年都教過阿爾克馬爾,但好快因為成績太差被炒,唔同嘅只係,朗奴高文今晚有前鋒約翰古達迪同右閘奇雲尼艾丹兩大主力復出,兵源充裕要保住不敗唔係咁難啩