赛前分析：拉素發火大騷浪接浪

意甲大軍拉素近期頻頻進行熱身賽，今晚會同西班牙球隊奧沙辛拿拍跳。拉素今季簽下施斯及高路斯等攻擊球員，中前場火力大增，今仗有機會同奧沙辛拿大手交易。

拉素今夏於轉會市場動作多多，兩大矚目收購為前利物浦前鋒施斯及前拜仁射手高路斯，兩人加盟後迅即融入大軍，於熱身賽表現唔錯。拉素前仗同瑞士球會盧塞恩交手，成功大勝五比一，上場就同布拉格斯拉維亞對戰，結果雙方踢成三比三，大軍兩場轟入八球，堪稱入球保證，相信今次都唔會有悶場。