有時旺起上嚟真係擋都擋唔住!史提芬納治上兩場殘陣出擊都贏波,今晚喺英乙升班附加賽決賽又有射手莫仙奴復出,夠力喺奧脫福殺敗托基聯開主W!
射手復出鬥托基聯
上年暑假先由業餘聯賽升上英乙嘅史提芬納治,估唔到今季仲咁犀利,上圈兩鬥阿克寧頓,即使中場莫仙奴同後衞盧基科士打雙雙停賽,仍「雙殺」對手兼不失1球入決賽,認真行運行到腳趾尾,預計今晚有已有8球進帳嘅首席射手莫仙奴復出下,有權再創奇迹。
對家托基聯上圈對住梳士貝利,如果唔係首回合主場一早奠定勝果,出唔出到線都成問題。事實上,托基聯近況一般,近7場只得1勝5和1負,加上守將白蘭斯頓賽前表示可能離隊,大大影響士氣,你話點捧得落?
SAT 六(11)‧史提芬納治 Vs 托基聯