今午日職爆發靜岡打吡，清水心跳會喺主場硬撼磐田山葉。心跳賽前大事宣傳，相信會吸引唔少Fans入場，聲勢肯定浩大，對住「火力王」山葉，有權上演一場「大」龍鳳！
為咗擊敗死敵，心跳早幾日就開始造勢，委派「特命PR」足立梨花呼籲Fans入場，仲出動球星小野伸二賣廣告，宣傳最新推出嘅波衫cushion同「祝福木牌」，實行用紀念品冧球迷入場，相信回勇嘅高原直泰實喺球迷面前努力爭士哥。
不過山葉今季亦唔係人咁品，近3場勁入11球，單係「進攻鐵三角」前田遼一、山田大記同山崎亮平已包辦9球，弗到咁，怕且今場都係駁火格。
SAT 六（6）‧清水心跳 Vs 磐田山葉
