德乙護級附加賽次回合，奧斯納貝克返回主場對特雷斯登，奧軍雖然高對手一個聯賽級別，但首回合表現並冇優勢，僅靠對方擺烏龍打和一比一。奧軍既然有一粒作客入球在手，可睇定來踢，建議捧入球細。（周三凌晨2時30分開賽）
奧斯納貝克只係德乙尾三，實力同德丙季軍特雷斯登非常接近，但奧軍首回合較有運，靠特雷斯登守將擺烏龍先入波。奧斯納貝克今仗返回主場，悶和○比○都可以護級成功，因此首要目標係力保不失，踢法應會較保守。事實上，奧斯納貝克攻力弱，近七仗有三場冇波入，另外四場都係各入一球，即使今場贏波都係小勝，捧入球細較穩陣。
特雷斯登睇定再搏
特雷斯登雖然要爭取入球，但畢竟作客，若然鹵莽搶攻反而得不償失，相信佢哋比賽初段唔會冒進，等企穩陣腳後再發動攻擊，今場或會一球定勝負。德乙護級附加賽，若然兩回合總比數打和，以作客入球較多一方為勝，作客入球相同，會加時三十分鐘，再和就互射十二碼分勝負。
