英超煞科,好多人嘅焦点都会放喺护级球队身上,但Richard可以话畀大家听,部分护级球队由于受热捧,赔率已处于唔合理嘅水平,系咪咁值博大家要谂清楚,今日反而提供例行公事,富咸主场对阿仙奴,推介大盘。
今仗表面上系例行公事,但其实唔系完全冇嘢好争,首先阿仙奴要争第三,希望可直接取得欧联分组赛入场券,事关柏天尼上任后,欧联外围赛改制,“四哥”好容易喺外围赛遇到强敌,为免夜长梦多,阿仙奴今场都冇得保留,一定要全力抢分希望攞番个第三。
富咸怕攞牌唔阻人入波
富咸虽然排第八,但仍有机会透过公平竞技方式取得欧霸入场券,本来佢哋形势大好,不过班球员唔生性,近两仗攞咗十张黄牌,有机会畀黑池、韦斯咸等球队后来居上,故呢场富咸赢输已唔重要,最紧要系唔好犯规,阿仙奴想入波?咪畀你入啰。富咸近期脚风好顺,近四仗射入十球,而阿仙奴近七仗亦有五场开大,今场最佳选择系大盘。