意甲煞科日其中一场由祖云达斯主场对拿玻里，上轮祖云达斯对帕尔马输得难睇，攻不锐兼守不稳，完全睇唔出佢哋系传统意甲班霸，唔少球迷对“斑马兵团”失晒信心。不过今场对住意甲季军拿玻里，祖云达斯赢波赔率仍不足两倍。睇个势祖云达斯随时会反弹，呢个主Ｗ咪错过。
操盘手睇好祖云达斯，除咗话有主场之利外，猛将卡锡及马治斯奥复出亦系利好因素。上轮之所以攻唔入帕尔马大门，好大程度与右路卡锡停赛有关系，今场复出对球队侧击力会有极大帮助。
博洛尼亚可破闷局
相反，拿玻里前锋卡云尼因停赛关系要到下季先可复出，冇咗佢喺前面揾食差好远，单靠拿维斯一人难免孤掌难鸣。况且拿玻里教练马沙利来季极可能转投祖云达斯，喺未来老板面前当然要稍作保留博取好感。
另外要留意博洛尼亚主场对巴里，主队自从三月中击败莱切之后就再冇取胜，近况差到你唔信。但今场主Ｗ竟热到得1.6倍，睇落博洛尼亚煞科日有望打破闷局
