意甲頭場拉素主場對熱拿亞,佔主場之利嘅拉素已經連輸三場,表現令人相當失望。相反熱拿亞就愈踢愈醒神,近四場聯賽獲得三勝,睇落唔似一支冇嘢好爭嘅中游球隊。雖然雙方喺近績方面有好大分別,但今場拉素「齋W」低至1.38倍。大家都知拉素號召力唔強,今個球季亦好少畀大戶睇中,所以操盤手開得呢個盤一定有佢原因。以飛數估計今場拉素隨時會大勝,「讓球主勝」一定要目及實。(now 633周日凌晨零時直播)
拉素連續三場輸波,其中一個原因係對手太強。除咗國際米蘭及祖雲達斯之外,上輪仲要作客火力強大嘅烏甸尼斯。三場對手都係硬嘢,拉素冇分落袋唔出奇。今次拉素唔單止重返主場,兼且對手係實力差一大截嘅熱拿亞。表面形勢對拉素可謂相對有利,預期今場係時候反彈。
熱拿亞殘陣睇淡
熱拿亞近期所擊敗嘅對手都係已降班或者護級球隊,包括森多利亞、萊切及布雷西亞,多場勝利只係假象,未必代表球隊好狀態。仲有,今場有美斯度停賽,後防又缺少卡拿迪斯,陣容不齊好難威脅到拉素。