今晚上演六場瑞典盃第三圈賽事，大勇哥登堡將作客乙組仔邦基費奧。哥登堡自經歷聯賽四連敗後終於回勇，之後殺敗卡爾馬、馬模同加爾斯，而球隊非常重視瑞典盃，近三屆就兩次殺入決賽，今仗作客弱旅亦不勝無歸，取「讓球客勝」。 （周五凌晨零時15分開賽）
哥登堡於○八同○九年，連續兩屆打入瑞典盃決賽，其中○八年取得冠軍。上屆球隊於十六強同卡爾馬激戰打成三比三，最後加時出局可算非戰之罪。瑞典勁旅唔係隊隊都會於瑞典盃去到盡，哥登堡咁有Heart一定要捧場。而球隊本季出閘大脫腳後取得三連勝，氣勢一時無兩，今次於盃賽去到乙組仔地頭，又點只贏一粒？
希爾星堡大炒唔「蘭」
另一勁旅希爾星堡，近兩屆瑞典盃第三圈都唔只贏一球，今輪作客甲組蘭斯干拿，後者本季主場未贏過毫無威勢，捧希堡「讓球客勝」，而加費萊作客甲組布洛馬波卡納，布軍本季主場兩
勝一和，而近三次加軍造訪布洛馬波卡納輸晒，取「讓球主勝」。
