巴塞入欧联决赛?今晚就知喇!阿占抱恙未能评述呢场大战,不过点都会捱夜睇嘅!首回合巴塞赢紧两粒,皇马要喺鲁营反胜的确唔易,不过C朗系球坛魔术师,而且皇马谷埋成肚火,话明今场系死战,出唔到线都好,都会搞到巴塞残阵踢决赛,咁有决心,皇马受让半一,梗系捧2.02倍下盘啦!(有线61、64、201及203、中央5台周三凌晨2:45直播)
国家打吡睇到大家热血沸腾,暂时头3战各有胜负,虽然论实力巴塞的确系技高一筹,阿占唔敢讲球证首回合系偏帮巴塞,不过有一点可以肯定嘅,系皇马球员同球迷都觉得自己系受迫害一方,谷埋成肚怨气等紧爆发,呢股力量绝对唔可以睇小!
比比拉莫斯停赛顺势丧攻
难怪《世界体育报》寻晚爆料,皇马今战内部定位系一场死战(Die Fighting),即系话皇马会用杀伤战术同巴塞炼过,绝地反击成功固然好啦,即使最终出局,都要巴塞球员食红牌,等佢哋唔可以夫添踢决赛,赢唔到欧联,重点“照顾”目标系丹尼尔、布斯基斯同美斯,系就系阴毒咗少少,不过可见一众“银河舰队”球员决心劲大!
咪忘记皇马过去几战都被人批评踢法保守,不过今仗比比、沙治奥拉莫斯要停赛,基迪拉又打埋柴,家阵落后两球,莫连奴肯定会排番个抢攻阵式,尤其系之前同寸王传不和嘅C朗,肯定会大踢争气波,论攻击力绝对唔会差得过巴塞,大家绝对唔可以睇死皇马。足球推荐网 足球推介网 足球贴士网
巴塞转守分分钟赖嘢
巴塞依家赢紧两球仲有主场之利,照睇晋级应该稳如泰山,不过阿占就好有兴趣睇吓巴塞点排阵,佢哋不嬲都系主张进攻,控球率高到爆,但今场只要唔输多过一球就晋级,佢哋会唔会继续咁进取呢?如果巴塞要守又掂唔掂呢?需知佩奥尔、碧基都唔系防守力高超嘅球员,面对皇马压力未必顶得顺喎!
欧联赛制
4强为主客两回合制,今场为次回合赛事,若两回合总比数打和,先计算作客入球,再和则在次回合90分钟后加时30分钟,若双方在加时取得相同数量入球,由作客球队获胜,若加时没有入球,则互射12码分胜负。