之前星期一到星期三連續睇波，加埋嗰套校園電視喜劇，小弟幾乎晚晚都天光先瞓，搞到有少少作病。好彩，前晚輪到歐霸盃登場，小弟終於可以趁機早啲休息。波圖即使大勝5:1都好，佢哋之前32強對西維爾「自殺不遂」嗰個失望樣，依然深深印喺小弟腦海入面，歐霸盃，都係留番決賽先睇啦！
講到蠱惑，「西甲3大衰波」馬體會、西維爾同基達菲真係當中嘅表表者，衰波之首馬體會今晚作客拉科，小弟建議大家玩1.88倍「入球大」。事關馬體會近4戰3勝1和氣勢勁爆，但依家歐平都係偏向佢哋小讓拉科平半中高水，似乎過筍，反正馬體會一向攻強守弱，對家拉科近2次主場出擊又入4球，與其博馬體會突變正氣，倒不如撐兩軍鬥攻開入球騷好過。
拉科魯尼亞
（入球大）
