今晚英超「大」戰,黑池勢與阿仙奴上演入球騷,大盤1.42倍咪嫌少!黑池有前冇後打死罷就,主場仗仗都入到波,本季主場開大率超過九成;兵工廠五場不勝,今晚再唔贏就平十二年最長不勝紀錄,首循環贏黑池六比○,今次除二都夠開大!(有線301及201台周日晚8時30分直播)
黑池今季就算降班收場,相信都會得到唔少球迷尊重。弱旅最緊要做好防守,但黑池領隊荷路維就由始至終選擇踢進攻足球,理得對手係曼聯又好、韋根都好,都絕對唔會轉用龜縮戰術,難怪佢哋本季聯賽入球仲多過熱刺、利物浦,而失球數字就冠絕英超。
黑池遇強例開大
雖然踏入一一年後,黑池聯賽愈踢愈曳,但球隊亦無意轉踢法,於主場更加義無反顧繼續喪攻,本季十四戰十三次開大,對曼聯、車路士、曼城、熱刺、利物浦都開大,仲要場場入到波,真係唔到你唔服。今場黑池有前鋒杜迪利甘保停賽期滿復出,更增添入波本錢。
阿仙奴失掉英聯盃後,球隊進入低潮,之後歐聯、英足盃同遭淘汰,依家淨係可以爭英超;但聯賽三連和後,已經再冇失分空間。連英超及所有盃賽,阿仙奴已連續五場贏唔到,如果今晚作客黑池仍然攞唔足三分,就會追平九八年十二月六戰不勝紀錄,兵工廠又點會唔落力爭勝?
今場阿仙奴雖有桑治倦勤,但禾確特有機復出,而尹佩斯、法比加斯、拿斯尼、查馬克、艾沙維等攻擊利刃都踢得,肯定攻足九十分鐘。