南美自由盃E組之中,山度士喺分組賽三戰不勝表現令人極之失望,剛啱又喺州聯輸畀彭美拉斯,近況唔係好,不過今場對住小組榜首高路高路,山度士齋W熱到只得1.4倍。山度士賠率咁低,擺到明今場有計,話唔定可以喺主場大勝對手,2.15倍「讓球主勝」值得留意。(周四早上8時50分開賽)
巴西球隊喺南美自由盃確有一定優勢,捧盃次數超過十次,成績僅次於阿根廷球隊。而山度士經過三場分組賽都未能勝出,難免會令投資者失去信心,不過唔好咁快睇死山度士,事關呢班波好靠主場攞分,今次對高路高路應有唔同演出。
其實山度士最近一次喺自由盃主場對波特諾幾乎勝出,點知阿根廷球證巴達斯喺補時階段判罰山度士十二碼,間接協助波特諾以一比一逼和山度士。巴達斯出名係「大頭蝦」球證,去年世界盃十六強葡萄牙對西班牙,佢執法時就曾誤判越位嘅韋拿入球有效,西班牙亦因而晉級。
高路高路聯賽兩連敗
今次山度士主場對高路高路,主辦單位已決定由烏拉圭球證施華拉執法,相信山度士應有較佳發揮。實在高路高路近況回落,連續兩場聯賽都輸波,操盤手睇淡佢哋都好正路。