今日足智彩有五場英格蘭足總盃第一圈重賽受注，英乙一哥修安聯主場對英甲普雷斯頓有計。修安聯領隊史杜洛克喺英國球壇多年，執教過唔少英冠同英甲球隊，點樣以弱制強，佢絕對經驗十足，撞正普雷斯頓態沉兼冇運，修安聯今場有望九十分鐘內淘汰對手。（周三凌晨3時45分開賽）
普雷斯頓近期冇態，連盃賽十一戰三和八負，但點解話佢冇運，其實上次兩軍交手，普雷斯頓原本可以淘汰修安聯，但巴利尼高臣射失十二碼，所以修安聯先至有翻身機會。
修安聯現時排英乙第一，領隊史杜洛克功不可沒，呢名蘇格蘭領隊曾經執教般尼茅夫、修咸頓、錫周三、史雲頓等球隊，對如何經營小球會經驗十足，亦試過不少次以弱制強，今次主場出擊，以球隊近六仗五勝一和佳績，絕對有力踢走普雷斯頓。
另一場同樣係英甲對英乙，斯肯索普對乙組AFC溫布頓，兩軍攻力都一般，揀入球細啱數
