悶鬥悶玩入球細最好,FC愛媛今晚喺日乙主場對FC岐阜,未必咬得入對手,因為愛媛有中場赤井秀一受傷,入球能力有限,撞啱岐阜近3次對賽未入過波,火力弱上加弱,今場兩隊都唔似多波入,吼實1.48倍入球細最着數。(開賽時間:周五晚6:00)
愛媛射手祖斯馬開季連續兩場入波後,跟住就冇咩料到,箭頭齋藤學有3球進帳,表現算係唔差,可惜上季攻入4球嘅中場赤井秀一最近傷咗,加上前鋒福田健二今季被冷落長坐冷板,依家愛媛淨係靠齋藤學入波,根本唔似有本事大炒對手,咁樣講法,呢場要開入球騷絕對唔容易。
另一方面,岐阜開季後得1勝1和5負包尾,僅入得5球,攻擊力弱到得人驚,最慘係門將野田恭平近排傷埋,除非岐阜唔識死敢同對手駁火,否則佢哋今場肯定會踢得更防守性,實行用1分政策搶分,更何況岐阜近3次作客交手得2和1負,曾經兩次踢成0:0完場,食過翻尋味梗係想守多過想攻啦!