本周末有不少聯賽煞科,蘇超今晚率先上演三場護級組賽事,由於包尾咸美頓已篤定降班,所以勝負只係排名之爭,反而明晚舉行嘅爭標組賽事就激烈得多,格拉斯哥流浪領先些路迪一分,只要作客擊敗基爾馬諾克便可圓三連霸美夢,一旦流浪和波而些路迪贏波,冠軍便會落入後者手中,由於些路迪得失球差佔優,如果兩隊最終同分,些路迪亦可壓過流浪封王。